Бухгалтэрыя не далічылася 280 мільёнаў.
Завершана расследаванне крымінальнай справы супраць былога гендырэктара Мазырскага райжылкамгаса. Яму інкрымінуецца злоўжыванне службовымі паўнамоцтвамі, што пацягнула шкоду ў асабліва буйным памеры.
«Следствам устаноўлена, што ў перыяд са снежня 2011 па снежань 2012 абвінавачаны ў інтарэсах камерцыйнай структуры, якая займаецца ландшафтным дызайнам, у парушэнне заканадаўства заключыў з ёй шэраг дамоў на правядзенне рамонтных і будаўнічых работ. Загадзя ведаючы, што ўмовы дамоваў не выкананы, насуперак інтарэсам службы аплату за працу прыватнаму прадпрыемству пералічыў у поўным аб’ёме»,
— паведаміла прадстаўнік упраўлення Следчага камітэта па Гомельскай вобласці Марыя Крываногава.
Таксама гендырэктар неаднаразова бескаштоўна выдзяляў тэхніку прадпрыемства для патрэбаў гэтай прыватнай фірмы — праз прыяцельскія адносіны з яе кіраўніком. Агульная сума шкоды пацягнула на 280 мільёнаў рублёў. Абвінавачаны ўсё суму выплаціў падчас следства. Справа перададзена пракурору для накіравання ў суд.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары