«Прэм'ер ДНР» пагражае адправіць «намесніка кіраўніка МЗС» у вар'ятню
Тэрарысты не могуць дамовіцца паміж сабой
У самаабвешчанай Данецкай народнай рэспубліцы заяўляюць, што Барыс Барысаў, які выступіў напярэдадні з заявай у расійскай Дзярждуме РФ аб неабходнасці крэдыту ў $ 1 млрд, не мае да ДНР ніякага дачынення.
Пра гэта заявіў так званы «прэм'ер-міністр» ДНР Аляксандр Барадай, перадае Інтэрфакс.
«Усё, што ён заявіў пра мільярд даляраў, не мае да нас ніякага дачынення», — сказаў Барадай. «Мы вымушаны папярэдзіць в.а. міністра замежных спраў Кацярыну Губараву, жонку лідара народнага апалчэння Паўла Губарава, у службовай неадпаведнасці займанай пасадзе ў сувязі з яе апошняй дзейнасцю», — дадаў ён.
Адказваючы на пытанне аб тым, ці будзе Губарава знятая з пасады міністра, Барадай заявіў: «Пакуль мы не будзем здымаць з яе міністэрскую пасаду, але ёй трэба кантраляваць сваіх людзей і іх заявы. Заява Барысава была на мяжы вар'яцтва. Мне здаецца, яму трэба лячыцца ў вар'ятні».
Нагадаем, напярэдадні Барысаў, які быў прадстаўлены як намеснік міністра замежных спраў ДНР і Наваросіі, заявіў на пасяджэнні ў Дзярждуме РФ, што «адзіны магчымы выхад з сітуацыі на Данбасе заключаецца ў неадкладным перазапуску эканомікі рэгіёну на аснове расійскага рубля». «Для гэтага неабходна стварэнне цэнтральнага банка і атрымання стабілізацыйнага крэдыту ад РФ у памеры першага траншу, як мінімум, 30 млрд рублёў», — сказаў ён.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары