Пакуль гэта самы выніковы матч на чэмпіянаце свету — восем мячоў.
Немцы забілі на 6‑й хвіліне: вызначыўся Фелікс Нмеча, праз 13 хвілін Лівана Камененсія лік зраўняў, Кюрасаа трымалася недзе хвіліны да 38-й, а потым паплыло. Шлотэрберг, Хаверц з пенальці, Мусяла, Браўн, Ундау, зноў Хаверц. У выніку 7:1.
Перад гэтым самай выніковай гульнёй была ЗША — Парагвай.
Кюрасаа — невялічкая выспа ў Карыбскім моры з насельніцтвам 155 тысяч чалавек. Самакіраванае тэрытарыяльнае ўтварэнне ў складзе Нідэрландаў. Востраў мае шырокую аўтаномію: уласны ўрад, парламент, канстытуцыю і заканадаўства, але за знешнюю палітыку і абарону адказваюць Нідэрланды. Але з'яўляецца членам ФІФА, як Гібралтар ці Фарэрскія выспы.
Для Кюрасаа гэта дэбют на мундыялі, якое трапіла на яго дзякуючы таму, што ЗША, Канада і Мексіка атрымалі прамыя пуцёўкі як гаспадары, але Кюрасаа трапіла на чэмпіянат, а Гандурас, Гватэмала і Коста-Рыка — не.
Звычайна ад Паўночнай і Цэнтральнай Амерыкі на мундыяль напрамую выходзілі чатыры зборныя, а зборная, што займала 4‑е месца, адпраўлялася ў стыкавыя міжкантынентальныя матчы.
У стартавым складзе зборную Кюрасаа сёння прадстаўлялі тры гульцы з вышэйшага дывізіёна Нідэрландаў, адзін з другога дывізіёна, два гульцы з англійскага чэмпіёншыпа (другога дывізіёна), адзін з турэцкай Суперлігі, капітан Леандра Бакуна з «Ыгдыра» з турэцкага другога дывізіёна, два гульцы з «Маямі» з амерыканскага другога дывізіёна (не блытаць з «Інтэр Маямі» Ліянеля Месі). Камененсія, што забіў гол, са швейцарскага «Цюрыха».
У гэтай групе таксама гуляюць Кот д'Івуар і Эквадор (матч а 2-ночы).
Сёння а 23‑й — Нідэрланды — Японія, заўтра: Іспанія — Каба-Вердэ (19:00), Бельгія — Егіпет (22:00)
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары
А чаму Натаніэль Браўн ня можа граць за немцаў? Ён нарадзіўся і вырас у Баварыі. Адукаваны ў Баварыі на грошы баварцаў. У ЗША мо і ня быў дагэтуль. Вось выйшаў на радзіме бацькі: гол + перадача.
Усе гульцы Кюрасаа нарадзіліся і выраслі ў кантынентальных Нідэрландах у Еўропе. 10 з іх увайшлі ў склад каманды па запрашэнню Адвакаата ў апошнія пару гадоў. Сонт'е Хансан усяго паўгады таму, калі замаячыў рэальны шанец трапіць на турнір.
Але гэта не рэкорд. Герой учорашняй гульні супраць Бразіліі - Айюб Буаддзі - яшчэ ў сакавіку гуляў за маладзёвую Францыю. А мараканцам стаў 1 месяц таму.
Чаму Еўропа мусіць выдаткоўваць сродкі на адукацыю людзей, а іншыя краіны потым прыпісваюць сабе іх поспехі? Хай плацяць, як клубы за правы на кантракт.