Украіна выстаяла супраць расійскай ваеннай агрэсіі і вызваліць Данецк і Луганск ад тэрарыстаў.
Пра гэта ў парламенце заявіў прэм'ер Арсень Яцанюк, адчытваючыся за 100 дзён дзейнасці свайго ўрада.
«Тыя 100 дзён, якія перажыла цяпер Украіна, я хацеў бы ахарактарызаваць словамі — мы выстаялі», — заявіў прэм'ер.
Паводле яго слоў, Украіна яшчэ ніколі не была ў такіх складаных умовах, бо «ўпершыню мы сутыкнуліся з непрыхаванай расійскай ваеннай агрэсіяй».
«Расія анексавала ўкраінскую тэрыторыю АР Крым. Не спыніўшыся на Крыме, яны спрабуюць пайсці далей. Усё, што адбывалася ў Данецку і Луганску з'яўляецца расійскай ваеннай інтэрвенцыяй», - заявіў Яцанюк.
Ён лічыць, што ўкраінцы прадэманстравалі мудрасць, выбраўшы прэзідэнта ўжо ў першым туры, нягледзячы на расійскую агрэсію.
«Ва ўкраінцаў могуць узнікнуць пытанні, як далей працаваць ўкраінскай уладзе. Я як кіраўнік урада заяўляю: прэзідэнт, парламент і Кабмін будуць дзейнічаць як адзінае цэлае», - запэўніў Яцанюк.
Ён лічыць, што калі украінцы захаваюць сваё адзінства, то ў іх атрымаецца перамагчы ў гэтай вайне.
«Украіна пазбавіцца тэрарыстаў, і мы вызвалім Данецк і Луганск ад тых, хто робіць замах на іх будучыню. Тэрарызм і бандытызм, які фінансуецца Расіяй, будзе знішчаны», - запэўніў прэм'ер.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары