Цяпер у сацсетках карыстальнікі спрабуюць знайсці гаспадароў для кацяняці.
Падрабязнасцямі выратавальнай аперацыі падзяліўся «Укантакце» сталічны фатограф Яўген Атцецкі, які спачатку назіраў за тым, што адбываецца 8 чэрвеня на адной з мінскіх вуліц з салона трамвая, пад якім нейкім чынам апынулася спалоханае кацяня.
«Прыбегла дзяўчына, скінула шлем і пачала зазіраць пад трамвай.
Стала відавочна, што нешта здарылася, людзі вывалілі на вуліцу. Аказалася, кацянятка забілася недзе паміж механізмамі, пакуль трамвай стаяў на прыпынку. Людзі масава пачалі кыс-кыс- кысаць, што, вядома, ні да якога выніку не прывяло. Хтосьці спрабаваў дастаць яго парасонам, хтосьці прапаноўваў спусціць сабаку і такім спосабам вывалачы яго адтуль, кіроўца трамвая прадпрымала спробы дастаць яго праз нейкі адмысловы люк у падлозе.
Праз хвілін 5 выратавальнай аперацыі пад'ехаў хлопец на матацыкле, мабыць, прыяцель гэтай дамы, што рынулася на выратаванне кацяняці, амаль цалкам залез пад трамвай і кацяня дастаў», — піша Яўген у сваім запісе.
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Зяленскі: Рэтранслятары на мяжы Беларусі прыпынілі працу69
Каментары