Як расказалі Tribuna.com ў прэс-службе УУС Мінаблвыканкама, футбаліст салігорскага «Шахцёра» і экс-форвард моладзевай зборнай Беларусі Уладзімір Юрчанка асуджаны на чатыры месяцы за ўхіленне ад пакарання.
Па непацверджанай інфармацыі, Юрчанка быў затрыманы супрацоўнікамі ДАІ за кіраванне без правоў і не змог своечасова выплаціць штраф. Вядома, што праблемы з ДАІ на гэтай глебе былі ў Юрчанкі і раней.
Каля месяца таму на адной з трэніровак Юрчанка быў затрыманы супрацоўнікамі міліцыі. З тых часоў у занятках «Шахцёра» ён удзелу больш не прымаў.
Вядома, што ў сёння 25-гадовы Юрчанка быў пераведзены ў турму горада Жодзіна для адбыцця пакарання.
Два галы Уладзіміра Юрчанкі ў вароты Італіі ў свой час вывелі моладзевую зборную Беларусі на чэмпіянат Еўропы па футболе, дзе наша каманда заняла 3-яе месца.
Уладзімір Юрчанка – мае цыганскае паходжанне. У кожным інтэрв’ю ён адзначаў, што шануе свае карані. За час кар’еры Юрчанка пагуляў за мінскае «Дынама», магілёўскі «Дняпро», салігорскі «Шахцёр», жодзінскае «Тарпеда», а таксама за расейскі «Сатурн».
Каментары