Jak raskazali Tribuna.com ŭ pres-słužbie UUS Minabłvykankama, futbalist salihorskaha «Šachciora» i eks-forvard moładzievaj zbornaj Biełarusi Uładzimir Jurčanka asudžany na čatyry miesiacy za ŭchileńnie ad pakarańnia.
Pa niepaćvierdžanaj infarmacyi, Jurčanka byŭ zatrymany supracoŭnikami DAI za kiravańnie biez pravoŭ i nie zmoh svoječasova vypłacić štraf. Viadoma, što prablemy z DAI na hetaj hlebie byli ŭ Jurčanki i raniej.
Kala miesiaca tamu na adnoj z trenirovak Jurčanka byŭ zatrymany supracoŭnikami milicyi. Z tych časoŭ u zaniatkach «Šachciora» jon udziełu bolš nie prymaŭ.
Viadoma, što ŭ siońnia 25-hadovy Jurčanka byŭ pieraviedzieny ŭ turmu horada Žodzina dla adbyćcia pakarańnia.
Dva hały Uładzimira Jurčanki ŭ varoty Italii ŭ svoj čas vyvieli moładzievuju zbornuju Biełarusi na čempijanat Jeŭropy pa futbole, dzie naša kamanda zaniała 3-jaje miesca.
Uładzimir Jurčanka – maje cyhanskaje pachodžańnie. U kožnym intervju jon adznačaŭ, što šanuje svaje karani. Za čas karjery Jurčanka pahulaŭ za minskaje «Dynama», mahiloŭski «Dniapro», salihorski «Šachcior», žodzinskaje «Tarpieda», a taksama za rasiejski «Saturn».
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami35
Kamientary