Прэзідэнт Украіны Пётр Парашэнка правёў тэлефонныя размовы з прэзідэнтам ЗША Баракам Абамам і віцэ-прэзідэнтам ЗША Джозэфам Байдэнам.
Перад тым у яго таксама адбыліся гутаркі па тэлефоне з прэм'ер-міністрамі Нідэрландаў і Малайзіі.
Парашэнка запрасіў спецыялістаў з гэтых краін, а таксама экспертаў ICAO да поўнамаштабнага расследаваньні абставінаў трагедыі.
Абама заявіў, што гэтая трагедыя шакавала ўвесь свет, і прывітаў гатоўнасць Украіны правесці максімальна празрыстае міжнароднае расследаванне прычын і акалічнасцяў трагедыі.
У сваю чаргу, Джозэф Байдэн заявіў, што заклік да міжнароднага расследавання з'яўляецца мудрым рашэннем і Злучаныя Штаты разгледзяць магчымасць накіраваць амерыканскіх экспертаў з Савета Нацыянальнай транспартнай бяспекі ЗША.
