У Гродне згарэла 90 т саломы. Паводле папярэдняй інфармацыі, прычынай пажару магло стаць дзіцячае свавольства з агнём, паведаміла прэс-сакратар Гродзенскага абласнога ўпраўлення МНС Наталля Жывалеўская.
Стог з 700 цюкоў саломы агульнай масай у 210 т загарэўся ў полі ля мікрараёна індывідуальнай жылой забудовы каля вул. Лапянкоўская.
Работнікі сельгаспрадпрыемства «Путрышкі» прадухілілі распаўсюджванне агню на полі і ў жылы сектар. Ратавальнікі лакалізавалі і ліквідавалі агонь. Пры гэтым знішчана 90 т саломы, выратавана 120 т.
Як мяркуецца, прычынай пажару з'яўляецца свавольства дзяцей з агнём. Хутчэй за ўсё, вінаватыя чацвёра дзяцей ва ўзросце 12-14 гадоў.
Разгляд праводзіць раённы аддзел міліцыі.
Каментары