Пенсіянерка ледзь не перавяла ўсе зберажэнні на «бяспечны рахунак». Выратавала, што быў выходны дзень
Гісторыя, якая магла скончыцца сумна, пачалася звыкла.
78‑гадовай мінчанцы патэлефанавалі ілжэсупрацоўнікі «Водаканала» і паведамілі пра неабходнасць замены лічыльнікаў і выманілі код з СМС, паведамляе «Міліцыя Мінска».
Пазней адбыўся відэазванок ад несапраўднага супрацоўніка Дэпартамента фінансавых расследаванняў, які расказаў мінчанцы, што яе асабістымі данымі завалодалі ашуканцы.
Ён паведаміў, што ад яе імя ажыццяўляюцца незаконныя фінансавыя аперацыі. Каб прадухіліць гэта, ілжэсілавік параіў жанчыне ўзяць наяўныя зберажэнні і перавесці іх на «бяспечны» рахунак.
Па ўказанні ашуканцаў жанчына сабрала дзве тысячы даляраў і збіралася пералічыць іх па названых рэквізітах, але фінансавыя ўстановы аказаліся закрытыя з-за выхаднога дня.
Па дарозе дадому пенсіянерка ўбачыла пункт аховы правапарадку і прафілактыкі, засумнявалася ў словах тых, хто тэлефанаваў, і вырашыла пракансультавацца з участковым інспектарам. Сапраўдны міліцыянер растлумачыў, што яна стала ахвярай падману.
Каментары