26 жніўні гурт «Ляпіс Трубяцкі» даў канцэрт у Кіеве. Сваю прамову фронтмэн «Ляпісаў» Сяргей Міхалок пачаў словамі «надышоў час вечаровай баявой малітвы».
«Няхай той, хто пажадае зямлю бліжняга свайго, атрымае па лісіным хітрым я*але», — пачаў «малітву» Міхалок.
Гэтыя словы выклікалі ў гледачоў небывалы ўздым. Украінцы радасна свісталі і пляскалі.
«Няхай таму, хто возьме чужое, папярок горла ўстане прынадны кавалачак і хай ён ім задушыцца. Няхай той, хто захоча развязаць вайну, здохне перш, чым праліецца кропля першай нявіннай крыві. Хай будзе так. Алілуя!» — сказаў Міхалок са сцэны.
Пасля чаго гледачы пачалі скандаваць скандальна вядомую крычалку «Пуцін — х**ло!»
Каментары