Прэм'ер-міністр Малайзіі Наджыб Разак назваў «досыць пераканаўчай» папярэднюю справаздачу пра расследаванне прычын гібелі «Боінга-777» у Данецкай вобласці.
Пра гэта, як піша The Wall Street Journal, ён заявіў на сумеснай прэс-канферэнцыі з кіраўніком урада Аўстраліі Тоні Эбатам.
Паводле словаў малайзійскага прэм'ера, цяпер трэба знайсці доказы, якія дазволяць перадаць справу ў суд.
На тое, каб цалкам агледзець месца падзення лайнера, знайсці астанкі ўсіх загінулых і сабраць доказы супраць тых, хто здзейсніў злачынства, спатрэбіцца яшчэ некалькі тыдняў, дадаў Разак.
Даклад камісіі, якія расследуюць катастрофу, павінен быць абнародаваны ў аўторак.
Паводле папярэдніх звестак, самалёт быў збіты ракетай «зямля — паветра» з тэрыторыі, якую кантралявалі г.зв. апалчэнцы.
17 ліпеня ў Данецкай вобласці адбылося крушэнне самалёта «Боінг-777» авіякампаніі Malaysia Airlines, які ляцеў з Амстэрдама ў Куала-Лумпур. На борце лайнера знаходзіліся 298 чалавек, у тым ліку 85 дзяцей і 15 членаў экіпажа. Большасць з іх — грамадзяне Нідэрландаў. Усе загінулі.
Лукашэнка нервова пракаментаваў візіт Ціханоўскай у Кіеў45
Каментары