18‑гадовы Адам Кадыраў, сын кіраўніка Чачні Рамзана Кадырава, атрымаў медаль за ўклад у правядзенне так званай «спецыяльнай ваеннай аперацыі» (так расійская прапаганда называе вайну ва Украіне).
Адам Кадыраў цяпер займае пасаду памочніка кіраўніка Чачні, сакратара Рады бяспекі рэспублікі.
Намеснік старшыні ўрада Чачні, міністр па нацыянальнай палітыцы, знешніх сувязях, друку і інфармацыі Ахмед Дудаеў заявіў, што медаль Кадыраву-малодшаму — гэта прызнанне яго ўкладу ў гарантаванне бяспекі і падтрымку «СВА». Адам, па словах Дудаева, курыруе Расійскі ўніверсітэт спецназа імя Пуціна, дзе праходзяць падрыхтоўку салдаты, што едуць ваяваць ва Украіну.
Раней Адам Кадыраў ужо атрымаў медаль за «ахову» Запарожскай атамнай электрастанцыі. Яго бацька заяўляў, што ў Адама няма незаслужаных узнагарод.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары