У адной з дзіцячых дашкольных устаноў Ленінскага раёна Гродна 26 верасня раптам памерла 3-гадовае дзіця. Пра гэта паведамляе сайт izgrodno.com.
Паводле інфармацыі рэсурсу, выхавальнік пачала будзіць дзяцей пасля ціхай гадзіны і адно дзіця не прачнулася.
Выклікалі хуткую дапамогу, у медпункце неадкладна пачалі праводзіць рэанімацыйныя мерапрыемствы. Нягледзячы на хуткае прыбыццё дактароў, выратаваць дзіця не ўдалося. Да позняга вечара ў садку працавалі прадстаўнікі міліцыі і Следчага камітэта.
Папярэдні дыягназ — «сіндром дзіцячай раптоўнай смерці».
Факт смерці малалетняга дзіцяці ў дзіцячым садзе пацвердзілі ва УСК па Гродзенскай вобласці.
Следчымі ў ходзе агляду бачных цялесных пашкоджанняў на целе дзяўчынкі выяўлена не было, перадае БелаПАН.
Для ўстанаўлення прычыны смерці прызначана судова-медыцынская экспертыза, выкананне якой арганізавана абласным упраўленнем Дзяржкамітэта судовых экспертыз.
Следчымі канфіскавана і вывучаецца дакументацыя, якая рэгламентуе ўнутраны распарадак дзіцячай дашкольнай установы. Праводзяцца апытанні работнікаў ясляў-сада і сваякоў дзяўчынкі, іншыя следчыя дзеянні. Паводле папярэдніх дадзеных, напярэдадні смерці дзіця паводзіла сябе натуральным чынам, скаргаў на стан здароўя не выказвала.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу25
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4949
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ49
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары