Відэа з Барысава стала самым прагляданым за тыдзень на папулярным украінскім сайце
Відэа з матча Беларусь—Украіна ў Барысаве стала самым прагляданым за тыдзень матэрыялам на ўкраінскім сайце Censor.net. За ноч яго прачыталі больш за 130 тысяч чалавек. Мяркуючы па дынаміцы, яно можа стаць нават самай чытанай публікацыяй месяца.
Censor.net стаў другім па папулярнасці інфармацыйным сайтам ва Украіне дзякуючы вычарпальнаму асвятленню падзей на Еўрамайдане і вайны ў Данбасе.
Футбольны матч Беларусь—Украіна ў Барысаве ператварыўся ў дэманстрацыю ўкраінска-беларускай салідарнасці.
Беларускі і ўкраінскі сектары разам, па чарзе, скандавалі «Жыве Беларусь!».
Беларускі сектар скандаваў «Слава Украіне», а ўкраінцы адказвалі «Героям слава».
Акрамя таго, беларуская фан-зона зачынала «Разам!» А ўкраінская адказвала «І назаўжды!»
Выконвалі і знакаміты хіт пра Пуціна, які нарадзіўся ў адказ на расійскую агрэсію ва Украіне.
Гэта першы такі выпадак у матчах у Беларусі.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі30
Каментары