Беларусь мае намер пашырыць узаемадзеянне з Афрыканскім саюзам. Аб гэтым паведаміў сёння на брыфінгу начальнік упраўлення інфармацыі — прэс-сакратар МЗС Беларусі Дзмітрый Мірончык.
Дамоўленасць аб развіцці супрацоўніцтва дасягнута ў час візіту ў Эфіопію беларускай дэлегацыі на чале з намеснікам міністра замежных спраў Валянцінам Рыбаковым. У прыватнасці, адбылася сустрэча намесніка кіраўніка знешнепалітычнага ведамства са старшынёй камісіі Афрыканскага саюза Нкасазанай Дламіні-Зума.
Старшыня камісіі Афрыканскага саюза пацвердзіла зацікаўленасць гэтай рэгіянальнай арганізацыі ў развіцці супрацоўніцтва з Беларуссю ў сферах эканомікі, навукі і тэхналогій, адукацыі і сельскай гаспадаркі, іншых галінах. Дасягнута дамоўленасць аб актывізацыі работы па выпрацоўцы канкрэтных напрамкаў супрацоўніцтва Беларусі з камісіяй Афрыканскага саюза. Бакі дамовіліся таксама пачаць падрыхтоўку пратакола аб супрацоўніцтве паміж Беларуссю і камісіяй, у які будзе закладзены алгарытм і інструментарый узаемадзеяння.
Акрамя таго, прайшла сустрэча беларускай дэлегацыі з кіраўніцтвам дзяржаўнай карпарацыі МЕТЕС. На перагаворах абмеркаваны перспектывы стварэння ў Эфіопіі зборачных вытворчасцей беларускай сельскагаспадарчай, аўтамабільнай і дарожна-будаўнічай тэхнікі. Дасягнута дамоўленасць аб паскарэнні падрыхтоўкі да падпісання пакета дакументаў, неабходнага для аднаўлення работы зборачнай вытворчасці беларускіх трактароў на базе кампаніі Adama Agricultural Machinery Industry.-
Каментары