Сябра ПКБ у Баранавічах выйграў суд у ЖРЭУ, прымусіўшы тое прыбіраць яго пад’езд.
Сябра ПКБ у Баранавічах выйграў суд у ЖРЭУ, прымусіўшы тое прыбіраць яго пад’езд.
Баранавіцкі сябра Партыі камуністаў беларускай Віктар Цяпін, разам зь яшчэ двума жыхарамі свайго дому па вуліцы Камсамольскай № 9, яшчэ ў верасьні напісаў скаргу ў баранавіцкае «Жыльлёвае рамонтна‑эксплуацыйнае ўпраўленьне». У ёй было зазначана, што, згодна з Iнструкцыяй пра парадак аплаты насельніцтвам жыльлёва‑камунальных паслугаў, ЖРЭУ мусіць прыбіраць лесьвічныя клеткі. Але ў іх доме такой паслугі камунальшчыкі ніколі не выконвалі.
Напачатку на іх зварот ЖРЭУ ніяк не адрэагаваў. Тады жыхары дому па Камсамольскай, 9 зьвярнуліся ў баранавіцкую пракуратуру. Там высьветлілася, што камунальшчыкі даслалі ў тэрмін адказ простымі лістамі кожнаму, хто падпісаўся пад скаргай, але тыя чароўным чынам не дайшлі да адрасатаў. Новыя адказы былі дасланыя заказнымі лістамі.
У іх паведамлялася, што жыхары сваімі аплатамі кампэнсуюць камунальныя выдаткі толькі на 41%. Рэшту мусіць кампэнсаваць гарадзкі бюджэт. Але горад выплочвае таксама толькі прыкладна 41% ад патрэбнага. Бюджэт гораду фармуецца ў Берасьці, таму больш грошай мясцовыя ўлады выдаткаваць ня могуць. Вынікае, што ЖРЭУ ня мае магчымасьці прыбіраць пад’езды празь недахоп сродкаў.
Цяпін, разам зь іншымі жыхарамі дому, не пагадзіўся з такім адказам і накіраваў скаргу ў суд. Маўляў, іх фінансавыя мажлівасьці камунальшчыкі ня ўлічваюць і за неаплату ці недаплату адразу ж караюць пеняю. Чаму ж тады жыхары мусяць лічыцца з праблемамі ЖРЭУ?
25 кастрычніка суд прызнаў праўду за жыхарамі дому па Камсамольскай, 9 і пастанавіў прыбіраць пад’езды істцоў. Акрамя таго, ЖРЭУ мусіць выплаціць па 20000 рублёў кампэнсацыі маральнай шкоды кожнаму з істцоў.
Але цяпер у Баранавічах прыбіраюць толькі пад’езды згаданай камяніцы па вуліцы Камсамольскай. Віктар Цяпін зьбіраецца зьвяртацца ў пракуратуру, каб тая пракантралявала выкананьне камунальшчыкамі закону па ўсім горадзе.
-
«Большая частка сядзіць сумленна, але ціха». Павел Вінаградаў пра палітвязняў, чые прозвішчы невядомыя
-
Польскі дыпламат расказаў, як Лукашэнка ўмее «ачароўваць суразмоўцаў» і хто робіцца ягонымі ахвярамі
-
«Дык што вам яшчэ трэба, шаноўныя кіраўнікі ЕГУ?» Севярынец заклікаў беларусізаваць універсітэт, пакуль не позна
Каментары