Беларусь можа арганізаваць бязвізавы пропуск турыстаў на памежпераходзе ў Белавежскай пушчы
Беларусь можа арганізаваць бязвізавы пропуск турыстаў на памежпераходзе ў Белавежскай пушчы, паведаміў кіраўнік дэпартамента па турызме Міністэрства спорту і турызму Вадзім Кармазін 23 кастрычніка на пасяджэнні круглага стала па праблемах турызму ў Мінску.
«Нядаўна была праведзеная нарада ў Кіраўніцтве справамі прэзідэнта аб тым, каб рэалізаваць пілотны праект на памежпераходзе ў Белавежскай пушчы і арганізаваць там бязвізавы пропуск турыстаў», — сказаў ён.
Кармазін падкрэсліў, што бязвізавы пропуск прапануецца арганізаваць для турыстаў, якія наведваюць непасрэдна Белавежскую пушчу. «Разам з тым я мяркую, што гэта добры крок да спрашчэння ўсіх візавых фармальнасцяў пры перасячэнні мяжы», — зазначыў ён.
Прадстаўнік Мінспорту нагадаў, што ўрад падтрымаў ідэю ўвядзення бясплатных віз для наведвальнікаў міжнародных спартыўных спаборніцтваў, буйных фестываляў і іншых мерапрыемстваў. Пералік такіх мерапрыемстваў зараз фарміруецца.
Каментары