За апошнія пару дзён у Данбас з Расіі зайшлі некалькі гіганцкіх калон ваеннай тэхнікі.
Мясцовыя жыхары гавораць аб масавай перакідцы расійскіх войскаў у трох кірунках — на Луганск, на Марыупаль і на Дэбальцава.
Украінскія і заходнія эксперты не выключаюць спробы Расіі захапіць калідор да Крыма або, прынамсі, тыя часткі Данецкай і Луганскай абласцей, якія знаходзяцца пад кантролем Украіны.
Учора, нагадаем, у так званых ДНР і ЛНР прайшлі «выбары», на якіх было легітымізавана кіраванне лідараў, пастаўленых на чале рэгіёнаў улетку Масквой.
2 лістапада прадстаўнік Рады па нацыянальнай бяспецы ЗША Марк Строх заявіў, што Расея перасоўвае свае войскі да мяжы з Украінай.
Каментары