Чэмпіён свету ў суперцяжкай вазе, украінскі баксёр Уладзімір Клічко даў каментар пасля перамогі накаўтам над балгарынам Кубратам Пулевым.
«Я вельмі рады быць сёння ў Гамбургу, у горадзе майго дэбюту на прафесійным рынгу. Усе мае фанаты падтрымліваюць мяне шмат гадоў тут, і я ўдзячны ім за гэта. Пулеў — вельмі добры баец, трэба аддаць яму належнае. Ён трымаў добрую дыстанцыю, я з цяжкасцю падбіраўся да яго.
Зараз цяжкія часы ў Украіне, таму я хачу прысвяціць сваю перамогу ўсім, хто змагаецца за нашу краіну», —
сказаў Клічко ў эфіры тэлеканала «Інтэр». Пра гэта паведамляе ua.tribuna.com.
Варта адзначыць, што Пулеў пасля боя з Клічко трапіў у бальніцу.
«Паядынак нанёс значную шкоду здароўю Пулева. Ён чатыры разы аказваўся на насціле рынга, уключаючы накаўт. Апошні ўдар нанёс яму два рассяканні — у раёне верхняга павека і верхняй сківіцы. Цяпер яму важна прайсці абследаванне, каб выключыць ўнутраны крывацёк. Ён добра аднавіўся на рынгу і не выявіў прыкмет неўралгіі. Аднак у мэтах бяспекі здароўя быў адпраўлены ва ўніверсітэцкую клініку, — цытуе bigmir)net доктара ля рынга Штэфана Бока.
Каментары