У стаўбцоўскім шматпавярховіку ўжо тры гады не могуць вырашыць праблему з іржавай вадой
Жыхары дома на вуліцы Міру, 3 у Стоўбцах, які пабудавалі ў 2012 годзе, кажуць, што раней вада з крана была чыстая і прыдатная для піцця. Але каля трох гадоў таму, калі побач пачалі будаваць новы мікрараён, сітуацыя змянілася: з кранаў пачала ісці ржавая вада з пяском, піша «Мінская праўда».
Старшыня жыллёва-будаўнічага кааператыва разам з адной з жыхарак падчас прыёму грамадзян у старшыні Мінскага аблвыканкама Аляксея Кушнарэнкі расказала, што праблема, колькі не скардзіліся і не падымалі пытанне, застаецца нязменнай.
Па словах жыхароў, ім даводзіцца рэгулярна мяняць фільтры, а таксама ад гэтай сітуацыі цярпіць бытавая тэхніка — напрыклад, пральныя машыны ржавеюць знутры, а бялізна кепска адмываецца. Пры гэтым якасць вады нестабільная: сёння яна можа быць брудная, а заўтра — чыстая.
Улады адзначаюць, што па выніках аналізаў вада ў гэтым раёне сапраўды мае перавышэнне ўтрымання жалеза і не адпавядае ідэальным нормам. Раней пры падрыхтоўцы да абласнога свята ў горадзе ўжо абнаўлялі частку сетак, але некаторыя ўчасткі засталіся старымі. Цяпер рыхтуецца праект па замене яшчэ аднаго адрэзка водаправоду.
Чыноўнікі заяўляюць, што сістэму прамывалі і бралі новыя пробы вады, аднак кароткачасовыя пагаршэнні якасці ўсё адно магчымыя.
Кіраўніцтва вобласці падкрэслівае, што праблему трэба канчаткова вырашыць і, калі спатрэбіцца, правесці поўную замену сетак водазабеспячэння.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары