Тэрарысты, узброеныя сякерай, нажамі і пісталетам, напалі раніцай на сінагогу ў Ерусаліме. Яны забілі чатырох чалавек і паранілі восем, у тым ліку дваіх дзяцей. Паводле папярэдніх звестак, нападнікі былі палесцінцамі.
Напад адбыўся досыць далёка ад Старога горада, дзе размяшчаюцца Храмавая гара і Сцяна Плачу, — у ультраартадаксальным раёне Ар-Ноў на захадзе Ерусаліма, прыкладна за 10 км ад Старога горада. Тут на ціхай вуліцы знаходзіцца будынак, у якім размяшчалася некалькі сінагог, а таксама аўдыторыя для навучэнцаў.
Тэрарысты абралі раніцу — 7.00, калі прыхаджане пачалі збірацца на малітву.
Мяркуючы па паведамленнях відавочцаў і паліцыі, двое ўзброеных мужчын здолелі незаўважанымі падысці да ўваходу ў сінагогу, дзе стаялі яўрэі, што збіраліся на малітву.
Тэрарысты выхапілі зброю — пісталет, нажы, а адзін пачаў размахваць вострай сякерай. Перад уваходам было мала месца — з двух бакоў стаялі прыпаркаваныя аўтамабілі.
Таму нападнікам удалося параніць досыць вялікую колькасць людзей. Затым яны забеглі ўнутр сінагогі і напалі на людзей, якія былі ўнутры.
Відавочцы казалі, што нападнікі крычалі «Алах Акбар». Іх твары былі закрытыя хусткамі.
Супрацоўнік службы бяспекі адкрыў агонь з пісталета. Да яго далучыліся супрацоўнікі паліцыі. У выніку два нападнікі былі забітыя. Па папярэдніх дадзеных, абодва былі арабамі, верагодна, палесцінцамі.
Палесцінскі ісламісцкі рух ХАМАС, якое дзейнічае ў сектары Газа, ухваліў забойства прыхаджан, але устрымалася браць на сябе адказнасць.
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»35
Каментары