З 9 снежня за рэгістрацыю сайта ў Беларусі трэба будзе заплаціць 0,5 базавай велічыні згодна з пастановай Савета міністраў 5/39962.
0,5 базавай велічыні (каля 90 тысяч на сённяшні дзень) будзе ўносіць не чалавек ці арганізацыя, што заключылі дамову з хостынг-правайдэрам, а сам пастаўшчык інтэрнэт-паслуг, паведамляе TUT.BY. Пастаўшчык у сваю чаргу сам вырашае, як здымаць плату з карыстальніка.
Таксама ўладальнік зарэгістраванага рэсурсу абавязаны паведамляць пастаўшчыку інтэрнэт-паслуг аб змене рэгістрацыйнай інфармацыі пра рэсурс альбо спыненні яго выкарыстання ў пяцідзённы тэрмін з дня ўзнікнення адпаведных абставін. А пастаўшчык інтэрнэт-паслуг у пяцідзённы тэрмін з дня атрымання паведамлення — накіраваць адпаведную заяву ў РУП «БелДІЭ».
Звесткі перадаюцца не толькі ў ААЦ, але і ў НЦАТ, заўважае Electroname. «БелДІЭ» абавязана прадстаўляць інфармацыю аб дзяржрэгістрацыі сайта любому ахвотнаму анлайн.
Калі сайт беларускай арганізацыі не размешчаны на тэрыторыі Беларусі і (ці) не зарэгістраваны ва ўстаноўленым парадку, да ўладальніка можа быць ўжыта адміністрацыйнае спагнанне ў выглядзе штрафу ад 10 да 30 базавых велічынь.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома6
Каментары