Акцёр Кайл Маклахлен, які сыграў галоўную ролю ў тэлесерыяле «Твін Пікс», пацвердзіў свой удзел у здымках працягу праекта.
Пра гэта ён аб'явіў на адкрыцці выставы Television Critics Association, паведамляе The Hollywood Reporter. Інфармацыя аб астатніх акцёрах з'явіцца пазней. Міні-серыял плануецца выпусціць ў 2016 годзе.
«Падобна на тое, вам патрэбны кубачак чартоўскі добрай кавы»,— сказаў Маклахлен на мерапрыемстве, пераймаючы манеры свайго героя ў серыяле — агента ФБР Дэйла Купера. Прэзідэнт канала Showtime, які плануе трансляваць працяг «Твін Пікс», Дэвин Невінс удакладніў, што ў акцёра будзе вядучая роля. Пазней ён дадаў, што ў праект, верагодна, вернуцца і некаторыя іншыя акцёры з арыгінальнага серыяла.
Стваральнікі серыяла Дэвід Лінч і Марк Фрост ў кастрычніку абвясцілі пра вяртанне «Твін Пікс» на экраны. Фрост таксама паабяцаў выпусціць кнігу, у якой раскрые некаторыя таямніцы серыяла.
Серыял «Твін Пікс» выходзіў у эфір у ЗША на працягу двух сезонаў з красавіка 1990 па чэрвень 1991 года. Ён уключае ў сябе 30 серый. Сюжэт разгортваецца вакол забойства школьніцы Лоры Палмер, якое расследуе спецыяльны агент ФБР Дэйл Купер.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары