Здаровую сардэчна-сасудзістую сістэму звязалі з высокім узроўнем аптымізму
Навукоўцы ўніверсітэту Ілінойса, ЗША, назвалі аптымізм спрыяльнай умовай для здаровай сардэчна-сасудзістай сістэмы. Іх даследаванне апублікаванае ў часопісе Health Behavior and Policy Review.
У даследаванні, што цягнулася 14 год, узялі ўдзел больш за 5 тысяч чалавек узростам ад 52 да 84 год розных колераў скуры, што жылі ў розных штатах ЗША.
Як высветлілася па выніках даследавання, людзі аптымістычных настрояў маюць у два разы меней рызыкаў захворванняў сардэчна-сасудзістай сістэмы.
Навукоўцы адсочвалі артэрыяльны ціск, індэкс масы цела, узровень цукру і халестэрыну, а таксама іх дыеты, фізічную актыўнасць і частату палення. Кожнаму з гэтых паказнікаў надаваўся бал ад 0 да 2. Кожны дадатковы бал змяншае рызыку сардэчна-сасудзістых захворванняў на 8%. Найлепшыя балы мелі аптымісты, для песімістаў прагнозы па сардэчна-сасудзістых захворваннях болей песімістычныя.
Для асобнага чалавека перамена настрою наўрад ці прынясе паляпшэнне стану здароўя, але ў межах папуляцыі вынік заўважны. Навукоўцы спадзяюцца на мерапрыемствы па падвышэнні агульнага ўзроўню аптымізму.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока3
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары