Ва ўсіх абласьцях, апроч Гарадзенскай, падатак на паслугі мабільнай сувязі сёлета складзе 10%. На Гарадзеншчыне — удвая таньней.
Паводле рашэньня мясцовых саветаў дэпутатаў у шэрагу рэгіёнаў Беларусі павышаныя падаткі на паслугі мабільнай сувязі. У прэсавай службе аднаго з сотавых апэратараў адзначылі, што ў Менску й Магілёўскай вобласьці рашэньнямі мясцовых саветаў дэпутатаў стаўка падатку на паслугі мабільнай сувязі павялічылася ад першага студзеня 2008 году з 5% да 10%.
У той жа час у Берасьцейскай і Гомельскай абласьцях падатак павялічылі з 7% да 10%. У Віцебскай і Менскай абласьцях стаўка падатку засталася на ранейшым узроўні — 10%. Не памяняўся падатак на паслугі мабільнай сувязі і ў Гарадзенскай вобласьці, дзе ён складае 5%.
Цяпер рашэньні мясцовых уладаў праходзяць рэгістрацыю ў міністэрстве юстыцыі.
Адзначым, што ў 2007 годзе стаўкі падатку на паслугі сувязі мясцовыя ўлады, наадварот, зьніжалі. Гэтак, у Магілёўскай вобласьці стаўкі падатку былі летась зьменшаныя з 10% да 5%, у Гомельскай вобласьці — з 10% да 7%.
Паслугамі мабільнай сувязі ў Беларусі карыстаюцца больш за сем мільёнаў чалавек.
Цяпер чытаюць
Цэны на паліва павышаюцца на 4 капейкі, а праз тыдзень яшчэ на тры2
Каментары