З манархам самай багатай ісламскай краіны развіталіся па сціплым традыцыйным абрадзе. Цікава, што пахавальныя правілы беларускіх татараў-мусульман нашмат бліжэйшыя да традыцый іх суайчыннікаў-хрысціян. На татарскіх могілках у Іўі магілы падпісаныя, адно што замест імя па бацьку татары змяшчаюць імя маці нябожчыка.
Цела караля Абдалы абмылі і загарнулі ў белую тканіну, як патрабуе мусульманская традыцыя. Спачываць ён будзе ў магіле без шыльды на звычайных могілках у Эр-Рыядзе.
Дзяржаўная рэлігія Саудаўскай Аравіі — вахабізм, суніцкая галіна іслама — вучыць, што любыя выказванні жалобы па нябожчыку гэта ўсё адно як ідалапаклонства.
У Аравіі не абвяшчалі жалобы, не прыспускалі сцягоў, краіна жыла звычайным жыццём. Цела караля Абдалы ў мячэць для рытуальнай цырымоніі даставіў звычайны аўтамабіль хуткай дапамогі. Адно што ў бажніцу сабраліся прынцы, рэлігійныя лідары, генералы і мільярдэры.
Кароль Абдала ўвогуле вылучаўся асабістай сціпласцю — ён адпачываў у шатры ў пустыні, а не ў шыкоўных каралеўскіх палацах на беразе Міжземнага мора. Але што да пахавання, то гэта строгая традыцыя: ягоных братоў, папярэдніх манархаў, таксама хавалі ў безымянных магілах на могілках Эль-Ауд.
Новы каралём Саудаўскай Аравіі, найбольшага экспарцёра нафты ў свеце, стаў кароль Салман — яшчэ адзін сын заснавальніка гэтай краіны караля Сауда. Лічыцца, што Салману 79 гадоў, але дакладны ўзрост яго невядомы. Усяго ў Сауда было больш за 30 сыноў ад розных жонак.
Пры ўступленні на пасад новы кароль прызначае сабе спадкаемцу. Салман стаў першым, хто выбраў прынца з дынастыі Саудаў трэцяга пакалення. Спадчыннікам трона стаў ягоны пляменнік, 55-гадовы прынц Наеф, былы кіраўнік саудаўскіх спецслужбаў, а цяпер міністр унутраных справаў, непрымірымы змагар з «Аль-Кайдай», які перажыў замах тэрарыста-смяротніка на сваё жыццё.
Цікава, што пахавальныя правілы беларускіх татараў-мусульман нашмат бліжэйшыя да традыцый іх суайчыннікаў-хрысціян. На татарскіх могілках у Іўі магілы падпісаныя, адно што замест імя па бацьку татары змяшчаюць імя маці нябожчыка.
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні2
Каментары