Прэзідэнт Балгарыі Росен Плеўнеліеў (балг. Плѐвнелиев) лічыць, што расейскі прэзідэнт Уладзімір Пуцін спрабуе не дапусціць, каб Украіна стала новай Польшчай. Пра гэта ён сказаў на канферэнцыі па бяспецы ў Мюнхене.
«Ён хоча простых рэчаў. Ён хоча не дапусціць таго, каб Украіна стала новай Польшчай», — цытуе прэзідэнта Балгарыі ўкраінскі тэлеканал АТН.
Плеўнеліеў нагадаў, што 25 гадоў таму Польшча была бяднейшай за Украіну. Але пасля падзення камуністычных рэжымаў краіны пайшлі рознымі шляхамі.
Польшча ажыццявіла смелыя рэформы і забяспечыла вяршэнства права, тады як Украіна аддала перавагу расійскай алігархічнай мадэлі.
І цяпер Пуцін спрабуе не дапусціць, каб Украіна пайшла шляхам свайго заходняга суседа.
Падчас выступу на Мюнхенскай канферэнцыі па пытаннях бяспекі прэзідэнт Балгарыі Росен Плеўнеліеў выказаў меркаванне пра тое, што Расія ініцыюе паўстанне супраць глабалізацыі, бо не змагла да яе адаптавацца.
«Яны насамрэч ніколі не падтрымлівала глабалізацыю.
Расійская эканоміка ніколі не адаптавалася. Расейцы таксама. І ў процівагу глабалізацыі Расія атрымала шматлікіх» сяброў «.
І мы сталі сведкамі таго, як усё гэта адбываецца», — цытуе выданне «Гардон» прэзідэнта Балгарыі, адзначаючы, што гаворка ідзе пра ўзнікненне ачагоў сепаратызму, якія Расія распальвае ў краінах былога СССР.
Пры гэтым ён адзначыў, што Еўропа «перастала пісаць гісторыю», і таму «гісторыю пачалі пісаць іншыя».
«Расія не хоча вайны, і мы не хочам вайны, але ёсць выразны працэс супрацьстаяння», — лічыць Плеўнеліеў.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы11
Каментары