Крэм здольны выдаліць татуіроўкі натуральным чынам, не пашкодзіўшы скуру.
Вынаходка 27-гадовага Алека Фалкенгема з універсітэту Дэлхаўс папросту распускае чарнілы ў арганізме чалавека з дапамогай клетак чалавечага арганізму, распавядае CBC.
З татуіроўкамі змагаюцца макрафагі — клеткі, што знішчаюць непатрэбныя бактэрыі, чужародныя часцінкі і рэшткі мёртвых клетак. Пры татуяванні яны здольныя захапіць толькі частку чарніл — астатнія ўтвараюць малюнак на целе.
Крэм літаральна заклікае макрафагі працаваць актыўней, ён выклікае адмысловую імунную рэакцыю арганізму.
Макрафагі кіруюцца да малюнка, паглынаюць чарнілы і ўносяць іх у лімфавузлы. У адрозненне ад ужыванага сёння лазернага выдалення татуіровак, крэм Фалкенгема не патрабуе прапальвання скуры. Не патрэбная нават ін’екцыя — крэм дзейнічае менавіта як крэм.
Зараз даследчык праводзіць эксперыменты на вушах свіней. Аб часе з’яўлення крэму ў продажы ён казаць пакуль не можа.
Тым не меней, Фалкенгем ужо можа назваць прыкладную цану: 4,5 даляры за выдаленне татуіроўкі на пляцоўцы 10 на 10 сантыметраў. Найлепей крэм выдаліць татуіроўку, старэйшую за два гады.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары