Адпаведныя старыя тарыфы аператар скасуе.
Мабільны аператар МТС паведаміў аб увядзенні новых інтэрнэт-тарыфаў. Падключыцца на іх можна будзе з 20 лютага.
Тарыфы прадугледжваюць аб’яднанне дзённага і начнога трафіку, падвышэнне да максімальнай хуткасці мабільных безлімітных тарыфаў, а таксама падвышэнне хуткасці па завяршэнні «ліміту на безліміт».
Аператар тлумачць змены ў тарыфах тым, што старыя тарыфы былі запушчаныя больш за 4 гады таму і страцілі актуальнасць. У новых тарыфаў у прыярытэце высокія хуткасці і большыя аб’ёмы трафіку.
Новыя тарыфы «БІТ», «СуперБІТ» і «Безліміт VIP» прадугледжваюць безлімітны доступ у інтэрнэт. Максімальная хуткасць даступная да дасягнення лімітаў у 100, 250 і 1024 Мб адпаведна па цэнах 63, 120 і 255 тысяч.
Па дасягненні ліміту хуткасць спадзе да 254 Кбіт/с.
З 20 лютага будзе прыпыненае падключэнне на паслугі «Безліміт», «Безліміт 2.0» і «СмартБІТ», падпіска на паслугі працягнецца да завяршэння аплочанага перыяду. Карыстальнікам гэтых паслуг будзе прапанавана падключыць адпаведна «БІТ», «СуперБІТ» і «Безліміт VIP»
З 18 лютага дзённы і начны трафік будзе аб’яднаны ў агульны пакет на лінейцы тарыфаў «Інтэрнэт».
Сумарны трафік на тарыфах «Інтэрнэт Mini», «Інтэрнэт Midi» і «Інтэрнэт Maxi» складзе адпаведна 4096, 8192 і 12288 Мб па цэнах 61,5, 79,5 і 99,9 тысяч.
Таксама ранейшым карыстальнікам паслугі «3G Канэкт» стануць даступныя паслугі «Інэт 2», «Інэт 4» і «Інэт 6» з сумарным трафікам 2048, 4096 і 6144 Мб адпаведна за 60, 78 і 99 тысяч.
З 18 лютага стане немагчыма падключыць паслугі лінейкі «3G Канэет», а таксама «Mini», «Midi» і «Maxi». З 1 сакавіка аказанне гэтых паслуг будзе прыпынена. Абанентам будзе прапанавана перайсці на адпаведныя паслугі лінеек «Інэт» і «Інтэрнэт», а таксама «3G Лайт».
Каментары