У Беларусі ад 1 сакавіка блакуюцца «безыменныя» электронныя кашалькі
У Беларусі ад 1 сакавіка прыпыненыя аперацыі па электронных кашальках, уласнікі яких не прайшлі працэдуру ідэнтыфікацыі.
У адпаведнасці з дэкрэтам №6 ад 28 снежня 2014 года «Аб неадкладных мерах па супрацьдзеянні незаконнаму абароту наркотыкаў» ўладальнікі электронных кашалькоў і кліенты, якія іх адкрываюць, падлягаюць абавязковай ідэнтыфікацыі. Тыя, хто не паспеў ідэнтыфікавацца да 1 сакавіка, могуць ўладзіць усе фармальнасці і пасля гэтай даты. Прайсці ідэнтыфікацыю можна ў аддзяленнях банкаў, якімі адкрыты электронны кашалёк, пасля чаго ён будзе разблакваны.
У 2014 годзе ў Беларусі электронныя грошы ў абарачэнне выпускалі восем банкаў. У іх ліку Белгазпрамбанк (электронныя грошы сістэм EasyPay «Берліё», «МТС Грошы»). Акрамя таго, гэты банк пагашаў электронныя грошы нерэзідэнтаў сістэм «Росберлио-Карт», «Крисмар». З электроннымі грашыма працавалі Тэхнабанк (на тэхнічнай платформе сістэмы WebMoney Transfer), Парытэтбанк (iPay), ИнтерПэйБанк (W1 Bel), Трастбанк (iPay), Прыорбанк (Belqi, «ОСМП», iPay).
Што тычыцца прадаплочаных картак, то іх эмісіяй займаліся Прыорбанк, Белінвестбанк і Беларусбанк. У Прыорбанку інфармуюць кліентаў, што 1 сакавіка ўсе прадаплочаныя падарункавыя карты будуць заблакаваныя. У банку абяцаюць дадаткова паведаміць аб далейшай працы з імі. У Белінвестбанку ананімныя падарункавыя карты заблакавалі яшчэ 27 лютага. Аднак тут пасля правядзення ідэнтыфікацыі трымальніка, карта будзе разблакаваная. Беларусбанк прыпыніў продаж падарункавых картак у снежні 2014 года.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга146
Каментары