Арол з камерай зляцеў з найвышэйшага будынка свету ВІДЭА
Сусветны рэкорд вышыні палёту птушкі з будынка паставіў арол-магільнік у Дубаі.
Арол-магільнік Даршан зляцеў з камерай з 828-метровай вежы Бурдж-Халіфа, распавядае Daily Mail.
Палёт, што заняў у птушкі амаль дзве хвіліны, мусіць звярнуць увагу на пагрозу знікнення птушкі праз гаспадарчую дзейнасць чалавека.
***
Арол-магільнік, альбо ўсходні імперскі арол, гняздзіцца ў лесастэпах Еўразіі і ў цэнтральным Кітаі, зімуе на поўдні Азіі і ў Афрыцы. Пачаткова жыў на раўнінах, але праз культывацыю зямель быў выцеснены ў горы. У сусветнай Чырвонай кнізе мае статус «пад пагрозай» (VU).
Бурдж-Халіфа — найвышэйшы будынак у свеце. Размешчаны ў Дубаі, Аб’яднаныя Арабскія Эміраты. Вышыня складае 828 метраў, будынак мае 163 паверхі. З 2008 года пасля падзення Варшаўскай радыёмачты ёсць найвышэйшай пабудовай свету. У будынку размешчаныя гатэлі, офісы і жылыя кватэры.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары