Праз стагоддзі жывёлы адаптуюцца да суседства з чалавечай цывілізацыяй — альбо чалавек адаптуе іх.
Расліны і звяры Зямлі перажылі пяць масавых выміранняў і ў нашыя часы перажываюць шостае — дзякуючы чалавеку. Але чалавек здольны і ўваскрасіць знішчаныя віды, і стварыць новыя. Мастачка Кэтрын Флемінг уявіла жыхароў заапарку будучыні, перадае Gizmodo.
Флемінг стварыла серыю дыярам з «жывёламі будучыні». Дзеля рэалізму яна скарысталася ведамі па таксідэрміі і рознымі метадамі навуковага мадэлявання. Вынікі атрымаліся на мяжы фантастыкі, але застаюцца па-навуковаму рэалістычнымі.
Дрэвавы іглак, падобны да вожыка Соніка, будзе майстрам маскіроўкі і крэатыўным будаўніком гнёздаў. Адмысловыя электрасэнсорныя клеткі дапамогуць яму знаходзіць калоніі мурашоў.
Напаўжыраф, напаўлось, напаўалень, напаў-яшчэ-нешта зможа выкарыстоўваць «дапрацаваныя» капыты, каб лазіць хоць па скалах, хоць па правадах. У бойку з уладальнікам «палепшаных» рагоў лепей не лезці.
Шасцілапы гібрыд сабачых і каціных зможа адбіваць святло сваёй металёвай поўсцю так, што вы не зразумееце, дзе ён, пакуль яго гіганцкія іклы не будуць у вашай шыі.
Усе жывёлы будучыні Кэтрын Флемінг падрабязна апісаныя на яе сайце.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары