Амерыканцы прадставілі праект касмічных робатаў-павукоў
Касмічныя павукі будуць ткаць касмічныя караблі наўпрост на арбіце.
Кампанія Tethers Unlimited прадставіла праект SpiderFab, у межах якога прапануе збіраць касмічныя станцыі і караблі наўпрост у космасе, распавядае Space.com.
Цяпер касмічныя караблі збіраюцца на Зямлі. Стваральнікі «касмічных павукоў» прапануюць запускаць на арбіту «павуцінне» з вуглевалакна і «ткаць» караблі ўжо ў космасе — так будзе танней і эфектыўней.
Да таго ж, гэта спросціць канструкцыю саміх касмічных караблёў, бо ім не прыйдзецца вытрымліваць экстрэмальныя ўмовы запуску з Зямлі.
Фактычна «касмічны павук» ёсць вялікім 3D-прынтарам. Адзін яго орган адказвае за фармаванне канструкцыі, іншы за злучэнне, яшчэ адзін — за перасоўванне па «павуцінні».
Распрацоўшчыкі ўжо сабралі невялікі апарат для выраблення лёгкіх канструкцый з хуткасцю 5 см на секунду. Цяпер яны працуюць над «касмічным павуком» наступнага пакалення. Паводле слоў кіраўніка праекту Роба Хойта, у ідэальных умовах ўжо ў 2020 годзе «касмічныя павукі» маглі бы збіраць вялізныя апорныя структуры антэн і сонечных батарэй ды іншыя канструкцыі на арбіце.
Цяпер чытаюць
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста5
Каментары