Галоўны трэнер зборнай Беларусі па футзале Сяргей Сафонаў перад сённяшнім чвэрцьфіналам з Парагваем вельмі разлічвае на падтрымку балельшчыкаў, а таксама на дапамогу медыкаў.
Пра гэта ён паведаміў карэспандэнту БелТА за суткі да сустрэчы з парагвайцы.
Калі з заўзятарамі ўсё зразумела — яны і да гэтага выдатна натхнялі беларусаў на добрую гульню, то медыкі выйшлі на першы план пасля сустрэч групавога раўнда. Па словах трэнера, у камандзе шмат траўмаваных, прычым у некаторых гульцоў пашкоджанні настолькі сур'ёзныя, што іх удзел у сённяшнім архіважна паядынку ўсё яшчэ пад вялікім пытаннем. Аднак, нягледзячы на ўсе праблемныя пытанні, задача ў яго падапечных застаецца ранейшай — барацьба за перамогу ў кожным канкрэтным паядынку, незалежна ад класа суперніка.
Настаўнік таксама нагадаў, што на мінулым чэмпіянаце свету ў Калумбіі ў 2011 годзе зборная Беларусі ў чвэрцьфінале сустракалася менавіта з Парагваем і саступіла з лікам 2:3, так што зараз прыйшоў час рэваншу. Зборная Парагвая на ЧС-2011 дайшла да фіналу, дзе саступіла гаспадарам турніру калумбійцам з лікам 2:8.
Зборная Беларусі ў папярэдняй групе А чэмпіянату свету-2015 спачатку адолела каманду Бразіліі - 2:1, саступіла уругвайцам - 2:3, а потым узяла верх над аўстралійцамі - 2:1.
На цяперашнім планетарным форуме беларускія футзалісты паўтарылі свой лепшы вынік сусветных першынстваў - да гэта яны тройчы гулялі ў чвэрцьфінале (1997, 2000, 2011), але пакуль ні разу не змаглі пераадолець гэты бар'ер.
Паядынак зборных Беларусі і Парагвая пройдзе на пляцоўцы сталічнага Палаца спорту і будзе паказаны ў прамым эфіры тэлеканала «Беларусь 2» пачынаючы з 20.10.
Двума гадзінамі раней там жа згуляюць каманды Уругвая і Бельгіі (прамая трансляцыя на тэлеканале «Беларусь 5»).
Два матчы за выхад у паўфінал адбудуцца на пляцоўцы брэсцкага спарткомплексу «Вікторыя»: Калумбія — Расія (19.00), Аргенціна — Чэхія (21.00).
-
У Турцыі падчас футбольнага матча мяч трапіў у чайку. Але загінуць птушцы не далі
-
Спецпрадстаўнік Пуціна пра фінал Алімпіяды: Зборная ЗША перамагла свой будучы 52‑і штат. Адзін з апошніх хакейных матчаў паміж ЗША і Канадай
-
Леброн Джэймс першым у гісторыі НБА набраў 43 000 балаў у рэгулярных чэмпіянатах
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары