ААТ «Беларуская калійная кампанія» (БКК), эксклюзіўны трэйдар беларускага вытворцы калійных угнаенняў «Беларуськалій», апублікавала фінансавыя вынікі працы за 2014. Выручка ад рэалізацыі за 2014 павялічылася ў 63 разы, да 22 трлн 849 млн беларускіх рублёў, чысты прыбытак у беларускіх рублях таксама паказаў вялікі рост у 12,4% — з 5,25 да 5,88 млрд.
Аднак падстаў для аптымізму у найбуйнейшага пастаўшчыка валютнай выручкі ў беларускі бюджэт насамрэч мала, піша Expert Online.
Бо год назад адзін даляр каштаваў 9 945 беларускіх рублёў, а сёння — 14240. Калі пералічыць прыбытак калійнага трэйдара ў далярах, то ў 2013 годзе выходзіць $528,3 тысячы, а ў 2014-м — $ 403,8 тыс. Такім чынам, рэальны прыбытак БКК у далярах упаў на 24% у рэкордным для ўсёй галіны па аб'ёмах продажаў 2014 годзе.
Удзельнікі рынку і эксперты выказваюць меркаванне, што асноўнай прычынай падзення прыбытку не толькі беларускіх, але і іншых трэйдараў калійных вытворцаў з'яўляюцца дзеянні самой «БКК». Так, у справаздачы Беларускага інстытута стратэгічных даследаванняў «Калійная галіна Беларусі: прычыны і наступствы разводу з «Уралкаліем» гаворыцца, што «калі ў 2013 годзе сусветныя цэны на калій абваліў «Уралкалій», то ў 2014 г. ужо «Беларуськалій» у большай ступені збіваў сусветныя цэны, прапаноўваючы сваю прадукцыю за больш нізкую цану, чым канкурэнты».
Ва «Уралкаліі», былым партнёры, а цяпер канкурэнце «Беларуськалія», заяўлялі, што «дэструктыўная» цэнавая палітыка «БКК» падрывае ўзровень цэнаў на калій «па ўсім свеце». Скасаваны ў сакавіку кантракт «БКК» з кітайскімі імпарцёрамі таксама выклікаў крытыку у канкурэнтаў — цана апынулася ўсяго на 3% вышэй леташняй і склала $ 315, тады як іншыя вытворцы разлічвалі на рост 8-10% да мінулага года. Здзіўленне ў сувязі кітайскім кантрактам БКК выказвалі нават індыйскія імпарцёры, кантракт з якімі яшчэ не заключаны.
Між тым, справы ў самога «Уралкалія» ў 2014 годзе таксама ішлі не вельмі добра. Кампанія не публікуе асобна вынікі працы свайго трэйдынгавымі падраздзялення. Сам «Уралкалій» паказаў страту па чыстага прыбытку ў 631 млн даляраў з-за курсавых розніц, пры гэтым выручка склала амаль 3,6 мільярда даляраў, а аб'ём продажаў — 12.3 млн тон. Для параўнання: выручка БКК у далярах па бягучым курсе склала 1.56 мільярда даляраў пры аб'ёме продажаў амаль 9,5 мільёна тон.
***
ААТ «БКК» было створана ў жніўні 2013 пасля адмовы «Уралкалія» ад сумесных продажаў праз агульнага трэйдара — ЗАТ «БКК», заснаванага разам з «Беларуськаліем» у снежні 2005 года. Да адмовы «Уралкалія» працаваць праз БКК на долю сумеснага трэйдара даводзілася 43% сусветнага экспарту хлоркалію.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары