Але з кім тады ваяваць дон кіхотам новага тысячагоддзя?
Кампанія Vortex Bladeless прапанавала ветрагенератары ў форме слупкоў, піша From Quarks to Quasars. Грошы на рэалізацыю праекту аўтары збяруць анлайн.
У адрозненне ад традыцыйных ветракоў, бязлопасцевыя ветракі будуць долей працаваць, меней шумець і не забіваць птушак. Ды могуць быць удвая таней за лопасцевыя аналагі.
Электрычнасць ад ветру можна здабываць не толькі «ў лоб». Бязлопасцевы вятрак складаецца з ніжняй нерухомай часткі і верхняй рухомай. Верхняя частка мае няроўную паверхню. Вакол яе ўтвараюцца мікравіхуры, здольныя расхістаць канструкцыю. Рух верхняй часткі пралічаны так, каб між ім і ветрам узнікаў рэзананс, сумна вядомы авіяканструктарам.
Пакуль аўтары праекту працуюць з невялікімі прататыпамі вышынёй да 7 метраў і магутнасцю некалькі кВт. Але канструкцыю можна маштабаваць да мегавата. У першы час распрацоўшчыкі плануюць выпускаць мадэлі для прыватнага выкарыстання на 4 кВт для рабочых хуткасцей ветру ад 3 да 15 м/с.
Такія ветракі «ловяць» на 30% менш энергіі за традыцыйныя. Але канструкцыя з мінімальнай колькасцю дэталей дае ў выніку ўдвая ніжэйшую цану апаратаў, даўжэйшы тэрмін працы і меншы шум. А адсутнасць лопасцей уратуе безліч птушак, якія штогод гінуць ад лопасцей, ды кажаноў, якія гінуць ад ветранага ціску за 100 метраў ад традыцыйных ветракоў.
Ідэю бязлопасцевых ветракоў вывучалі яшчэ ў 1980-х, але тады інжынераў турбавалі ваганні верхняй часткі мачты ветрака — лічылася, што канструкцыя ненадзейная. Цяпер, як заяўляюць распрацоўшчыкі, апарат дастаткова бяспечны і нават больш трывалы за традыцыйны «млын».
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары