Новы шэдэўр расійскай прапаганды: «Карнікі павесілі апалчэнца разам з цяжарнай жонкай» ВІДЭА
Відаць, пасля правалу «укрыжаваных» хлопчыкаў, якіх ніхто не бачыў, расійская прапаганда выпрацавала новую схему доказу «зверстваў» хунты.
Так, учоры НТВ са спасылкай на «генпракуратуру ЛНР» паведаміла, што ў непрызнанай рэспубліцы выяўлена група, адказная за «забойства» апалчэнца і яго цяжарнай жонкі.
Само відэа выкладзена з ютуб-акаунта прапагандысцкага інфарм-агенцтва «news-front» і на ім бачна, як некалькі чалавек у камуфляжы з жоўтым скотчам на рукавах «вешаюць» двух чалавек пасярод хвойнага лесу.
Пры гэтым на запісу адсутнічае гук, а сама пастаноўка знятая так няўдала, што на 32 і 36 секундзе з-за спіны «цяжарнай жонкі» выглядвае вяроўка, якой яна абвязаная ў раёне поясу, а «кат» увесь час разварочвае целы так, каб гэтая вяроўка не трапіла ў кадр (абвязванне вяроўкай у раёне поясу і фіктыўная вяроўка на шыі — вядомы кіношны фокус для здымкі сцэнаў з павешаннем).
Таксама варта адзначыць, што на прэс-канферэнцыі, прысвечанай «казні», «намеснік галоўнага пракурора ЛНР» не даў рады адказаць на пытанне пра марку тэлефона, які здымае з такой якасцю і нібыта быў «пры забітым карніку».
-
На Беласточчыне прайшоў фестываль беларускай традыцыі Soncahraj ФОТЫ
-
Жонка Аляксандра Мілінкевіча расказала пра ягоны стан: памяць захавалася, але з рухальным апаратам вялікія праблемы
-
«Я ў калоніі быў больш вольны». Былы палітвязень Тамаз Піпія расказаў пра 6 гадоў за кратамі і новую паранаідальную беларускую рэальнасць
Каментары