Жыхары вёскі каля аэрапорта «Мінск-2» патрабуюць адсялення праз невыносны шум у выніку павелічэння колькасці рэйсаў
Жыхары вёскі Пяцігодка хочуць адсялення, аэрапорт прапануе ім гукаабарончыя шыбы і стрэхі.
28 мая ў Смалявічах адбыўся сход па абмеркаванні справаздачы аб ацэнцы ўздзеяння на навакольнае асяроддзе будаўніцтва ў Нацыянальным аэрапорце «Мінск» другой узлётна-пасадачнай паласы.
Як паведамляе экалагічнае таварыства «Зялёная сетка», на абмеркаванні прысутнічала больш за 60 чалавек. Быў прэзентаваны асноўны варыянт, які разглядаецца Нацыянальным аэрапортам, «Захаванне вёскі Пяцігодка і садовага таварыства Шэметава».
Аўтары праекта для прадухілення і зніжэння неспрыяльнага ўздзеяння ўзроўню шуму на вёскі прапанавалі зрабіць абмежаванне па ўзлёце / пасадцы на другой паласе для некаторых самалётаў, а таксама ўсталяваць шумаахоўны шасціметровы экран. Акрамя таго, распрацоўнікі пагадзіліся правесці рэканструкцыю жылога фонду ў вёсцы Пяцігодка: рамонт, уцяпленне фасадаў, замену вокнаў, рамонт стрэхаў, г.зн. павышэнне гукаізаляцыі дамоў.
Аднак мясцовыя жыхары не вераць, што гэта дапаможа.
У зону звышнарматыўнага ўздзеяння трапляе не толькі Пяцігодка, а каля 15 населеных пунктаў. Асабліва моцны шум чуецца яшчэ ў Смольніцы й Ганчароўцы, Шэметаве і Пекаліне.
Мясцовыя жыхары хацелі б, каб была ажыццёўленая праграма адсялення і ім далі іншае жытло наўзамен.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары