Кіраўніка краіны абірае парламент.
Па выніках чарговага галасавання ў Сейме міністр абароны Райманд Веёніс (Саюз «зялёных» і сялян) застаўся адзіным кандыдатам на гэты пост, паведамляе delfi.lv.
Веёніса падтрымалі 46 дэпутатаў, юрыста Эгіла Левітса — 26 дэпутатаў.
Супраць абодвух кандыдатаў галасавалі 26 парламентарыяў.
У пасяджэнні Сейма абвешчаны перапынак на паўтары гадзіны, пасля чаго дэпутаты яшчэ раз прагаласуюць па кандыдатуры Веёніса. Каб стаць прэзідэнтам, яму неабходна атрымаць 51 голас. У адваротным выпадку ў чэрвені Латвію чакае яшчэ адзін этап выбараў, на якіх з'явяцца ўжо іншыя асобы. Напрыклад, Саюз «зялёных» і сялян можа вылучыць Сескса замест Веёніса, які заявіў, што не будзе ўдзельнічаць у другім туры, калі па выніках 3 чэрвеня не заручыцца падтрымкай большасці парламентарыяў.
У выбарчы бюлетэнь былі ўнесеныя чатыры кандыдатуры: прадстаўніка Саюза зялёных і сялян, міністра абароны Райманда Веёніса; былога суддзі ЕСПЧ Эгіла Левітса, прадстаўніка аб'яднання «Згода» Сяргея Далгаполава і Латвійскага аб'яднання рэгіёнаў Марціньша Бондарса.
Паводле афіцыйных вынікаў, у Веёніса — 34 галасы, у Левітса — 24, у Далгаполава — 23, у Бондарса — 6.
Шэсць бюлетэняў прызнаныя несапраўднымі, пяць чалавек галасавалі супраць.
Паводле правілаў, кандыдат, што набраў найменш галасоў, выбывае.
13:10
Па выніках другога тура: Веёніс — 34, Левітс — 25, Далгаполаў — 24, Бондарс — 6. Далей праходзяць усе, апроч Бондарса.
14.12
Па выніках трэцяга тура: Веёніс — 35, Левітс — 26, Далгаполаў — 23.
Выбары заходзяць у тупік. Пасля 15:00 будзе праведзена чацвёртае і апошняе на сёння галасаванне. Абодва кандыдаты кіроўнай кааліцыі — Эгіл Левітс і Райманд Веёніс.
Каб перамагчы, трэба набраць 51 голас. Галасуе сёння 99 дэпутатаў са 100 членаў парламента, бо адзін з дэпутатаў знаходзіцца пад следствам.
Калі сёння прэзідэнта не абяруць, то новае галасаванне адбудзецца пад канец чэрвеня.
***
Роля прэзідэнта Латвіі апошнім часам паціху расце. У грамадстве, асабліва пасля падзей на ўсходзе Украіне, неаднаразова казалася пра тое, што прэзідэнт павінен быць больш моцнай фігурай, якая ў выпадку форс-мажору павінна ўзяць лёс краіны ў свае рукі. Таксама вядомы прыклад Валдзіса Затлерса, які ў 2011 г. ініцыяваў роспуск парламента.
Прэзідэнт Латвіі таксама можа ініцыяваць законапраекты або вяртаць у парламент, калі лічыць іх недапрацаванымі.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары