Дарадца кіраўніка МАП: Прафсаюзы павінны стварацца на добраахвотнай аснове
Калі прафсаюзы на прадпрыемствах Беларусі будуць стварацца на аснове свабоднага выбару іх работнікаў, то ніякай праблемы ў даручэнні Лукашэнкі няма. Такое меркаванне выказаў у гутарцы з БелаПАН дарадца генеральнага дырэктара Міжнароднай арганізацыі працы (МАП) Кары Тапіёла.
Нагадаем, 22 мая на VI з'ездзе Федэрацыі прафсаюзаў Беларусі Аляксандр Лукашэнка даручыў прэм'ер-міністру Андрэю Кабякову пракантраляваць, каб да сярэдзіны 2016 года на прадпрыемствах усіх форм уласнасці краіны з'явіліся прафсаюзныя арганізацыі.
Паводле Тапіёлы, ён не ведае, у якую «канкрэтную форму ці законную сілу» ўвасобілі гэтае даручэнне прэзідэнта, аднак калі гэта «азначае, што кіраўніцтва і працоўныя ўсіх прадпрыемстваў пачнуць перамовы аб працоўных адносінах», то ён «не бачыць у гэтым ніякай праблемы».
«Няма праблемы ў тым, што інтарэсы працоўных будуць прадстаўляць прафсаюзы, бо менавіта такой практыкі і прытрымліваецца МАП. Вядома, трэба разумець, што прафсаюзы павінны арганізоўвацца на аснове свабоднага выбару працоўных», — сказаў саветнік гендырэктара МАП.
Тапіёла нагадаў, што нядаўна ў Мінску прайшоў трохбаковы семінар па калектыўных перамовах на буйных прадпрыемствах ва ўмовах прафсаюзнага плюралізму, на якім разглядаліся пытанні ўзаемадзеяння некалькіх прафсаюзаў, якія дзейнічаюць на адным прадпрыемстве.
Як паведамлялася раней, 2 чэрвеня Аляксандр Лукашэнка падпісаў дэкрэт № 4, які аблягчае ўмовы стварэння прафесійных саюзаў. У прыватнасці, дакумент выключыў з заканадаўства патрабаванне, паводле якога раней для стварэння і дзейнасці прафсаюза на прадпрыемстве, ва ўстанове ці арганізацыі была неабходная наяўнасць не менш як 10% ад агульнай колькасці працоўных.
Зараз для ўтварэння прафесійнага саюза патрабуецца «не менш як 10 заснавальнікаў (членаў), працоўных (навучэнцаў) на адпаведным прадпрыемстве, ва ўстанове, арганізацыі».
***
На праведзеным 5 чэрвеня ў межах 104-й сесіі МКП пасяджэнні камітэт па нормах і стандартах МАП выслухаў гадавую справаздачу аб сітуацыі з правамі працоўных і прафсаюзаў міністра працы і сацабароны Мар`яны Шчоткінай, якая ўзначальвае беларускую ўрадавую дэлегацыю на гэтай канферэнцыі.
І Беларусь, хутчэй за ўсё, пазбегне ўключэння ў спіс краін, дзе груба парушаюцца правы прафсаюзаў.
-
«Я стаў знакамітым пісьменнікам, ён таксама знайшоў нармальную працу». Філіпенка раскрыў, што пісаў жарты для Зяленскага
-
У грамадскім транспарце Мінска ўзніклі праблемы з электроннымі праязнымі
-
Беларускаму байцу ММА, які будаваў кар’еру ў Маскве, ФСБ нечакана забараніла ўезд у Расію пасля адпачынку ў Тайландзе
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам27
Каментары