Бюджэт як у блакбастара.
Амерыканскае падраздзяленне японскай кампаніі Sanrio абвясціла пра планы па здымках фільмаў пра сваіх герояў — Hello Kitty ды іншых, перадае Deadline.
Бюджэт фільма пра Hello Kitty складзе ад 160 да 240 млн даляраў. Стужка мае выйсці на экраны ў 2019 годзе.
Дэталі пра планы адносна фільмаў пра іншых герояў кампаніі накшталт My Melody і Litte Twin Stars не раскрываюцца.
Персанаж Hello Kitty з’явіўся 41 год таму. Паводле сюжэту гэта не котка, а маленькая дзяўчынка з рысамі коткі. Яна мае вялікую сям’ю, сяброў і хатніх жывёлаў. З Hello Kitty выпускаецца мноства стылізаваных тавараў, цацак і гульняў, шэраг анімэ-серыялаў. Штогод Hello Kitty прыносіць каля мільярда даляраў прыбытку, брэнд ацэньваецца ў 7 млрд. UNICEF прызнала Hello Kitty «Асаблівым сябрам дзяцей».
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах1
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары