Расійскі акцёр Алег Табакоў назваў украінцаў «убогімі» і паказаў уласнае невуцтва
Вядомы савецкі і расійскі акцёр і рэжысёр Алег Табакоў лічыць украінцаў «ў нейкім сэнсе убогімі», цёмнымі і непісьменнымі людзьмі. Пра гэта ён заявіў у каментары «Рен-ТВ» у адказ на фармаванне ўкраінскім Мінкультам «чорнага спісу» расійскіх артыстаў.
«Яны і так не вельмі прасветленыя Як бабуля ў сэрцах казала: «Та плюнь ты на іх. Гэта ж тэмні та нэграмотні люды». Бяда ў тым, што людзі нармальныя будуць пакутаваць ад таго, што нармальная інфармацыя ніяк да іх не трапляе. Гэта ж трэба, каб хтосьці з насельнікаў гэтай краіны знутры нешта зразумеў. Я вам так скажу: сорамна за тыя мярзоты, якія яны робяць, забіваючы людзей і руйнуючы іх жыллё А так, адгукацца на іх… Я махнуў рукой, нягледзячы на тое, што ў мяне адна чвэрць крыві ўкраінская «, - сказаў Табакоў.
Па словах рэжысёра, «гэта выклікае пачуццё няёмкасці і сораму».
«Я шкадую іх, разумееце Яны ў нейкім сэнсе ўбогія
А зараз я зусім такую сакраментальную думку вам скажу: бяда ж сапраўдная заключаецца ў тым, што ва ўсе часы іх найлепшыя прадстаўнікі інтэлекту, літаратуры - Яны ў параўнанні з рускімі былі недзе на другой або трэцяй пазіцыі», - заявіў расійскі культурны дзеяч.
Далей Табакоў разважае пра вартасці ўкраінскіх пісьменнікаў, залічыўшы да апошніх, чамусьці, і Элізу Ажэшку — беларускую польскамоўную пісьменніцу, пахаваную ў Гродне.
* * *
8 ліпеня Міністэрства культуры Украіны ўнесла ў «чорны спіс» 117 артыстаў з Расіі - пералік асоб, якія ўяўляюць пагрозу нацыянальнай бяспецы Украіны.
* * *
Алег Табакоў у сакавіку 2014 быў сярод расійскіх дзеячоў культуры—падпісантаў заявы ў падтрымку пуцінскай агрэсіі ў Крыме.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы38
Каментары