Дзеячы культуры Расіі выступілі з калектыўнай заявай. «Известия» апублікавалі поўны тэкст дакумента.
«Дзеячы культуры Расіі у падтрымку пазіцыі Прэзідэнта ва Украіне і Крыме.
У дні, калі вырашаецца лёс Крыма і нашых суайчыннікаў, дзеячы культуры Расіі не могуць быць абыякавымі назіральнікамі з халодным сэрцам. Наша супольная гісторыя і супольныя карані, наша культура і яе духоўныя вытокі, нашы фундаментальныя каштоўнасці і мова аб'ядналі нас назаўжды. Мы хочам, каб супольнасць нашых народаў і нашых культур мела трывалую будучыню. Вось чаму мы цвёрда заяўляем аб падтрымцы пазіцыі Прэзідэнта Расійскай Федэрацыі па Украіне і Крыме».
Сярод тых, хто падпісаў ліст:
спявачка Надзея Бабкіна, акцёр Аляксей Баталаў, акцёр Сяргей Бязрукаў, рэжысёры Фёдар Бандарчук, Уладзімір Бартко, акцёры Міхаіл Баярскі, Аляксей Булдакоў; народны артыст Юрый Башмет,
спявак Алег Газманаў, рэжысёр Станіслаў Гаварухін, музыкант Валерый Гергіеў, заснавальнік «Ералаша» Барыс Грачэўскі, сцэнарыст Юрый Кара, акцёр Васілій Ланавой, спявак Леў Лешчанка, рэжысёр Павел Лунгін;
спявак Мікалай Растаргуеў, спявачка Людміла Сенчына, акцёр Юрый Саломін, гумарыст Генадзь Хазанаў, танцаўшчык Мікалай Цыскарыдзэ, акцёр Алег Табакоў, скульптар Зураб Цэрэтэлі ды іншыя.
Паведамляецца, што спіс адкрыты і прозвішчы могуць дадавацца.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве45
Каментары