Азаранка вярнулася ў дваццатку найлепшых тэнісістак сусветнага рэйтынгу
Беларуская тэнісістка Вікторыя Азаранка па выніках Уімблдонскага турніру паднялася на 5 радкоў у абноўленым рэйтынгу WTA і ўвайшла ў дваццатку найлепшых у свеце.
На Уімблдоне Вікторыя Азаранка дабралася да чвэрцьфіналу, дзе ў трох сэтах саступіла будучай пераможцы турніру, першай ракетцы планеты амерыканцы Серэне Уільямс.
У выніку Азаранка паднялася ў рэйтынгу з 24-га на 19-е месца.
У дваццатцы наймацнейшых Азаранка не было з верасня 2014 года, калі яна саступіла ў чвэрцьфінале US Open і выбыла з топ-20, апусціўшыся на 24-е месца. З тых часоў падзенне Азаранка, што пачынала 2014-ы другой ракеткай свету, працягвалася да лютага гэтага года і спынілася на адзнацы «49» рэйтынгу (гэта быў горшы паказчык з ліпеня 2007 года). Пасля чаго беларуска паступова стала адваёўваць пазіцыі.
У 40 наймацнейшых Азаранка вярнулася 2 сакавіка, у топ-30 — 11 мая, у топ-25 — 15 чэрвеня.
Верагодна, пазіцыі беларускі сёння маглі быць і вышэйшыя, але на шляху Азаранка на буйных турнірах некалькі разоў станавілася менавіта Серэна Уільямс.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца2
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары