Скандальна вядомы славенскі гурт Laibach стане першым замежным музычным калектывам, які выступіць у Паўночнай Карэі, паведаміў Бі-бі-сі нарвежскі рэжысёр Мортэн Траавік, які арганізуе гастролі гурту ў КНДР.
Плануецца, што Laibach дасць два канцэрты ў Пхеньяне ў жніўні, у зале, разлічаным на 2000 чалавек.
Канцэртная праграма складзена з самых вядомых кампазіцый групы, якая існуе ўжо 35 гадоў, а таксама паўночнакарэйскіх нацыянальных песень.
Крытыкі гурту ўказваюць на залішне правакацыйныя, на іх погляд, выкарыстанні ў іміджы групы палітычных і нацыяналістычных знакаў. Аднак фанаты Laibach запэўніваюць, што, выходзячы на сцэну ў вайсковай форме, музыканты пратэстуюць супраць ідэалогіі таталітарызму.
Каментары