«Зэп, гэта за чэмпіянат свету 2026 года ў Паўночнай Карэі».
Перад пачаткам прэс-канферэнцыі ў Цюрыху брытанскі комік Сайман Бродкін кінуў у прэзідэнта ФІФА Зэпа Блатэра стос даляравых купюр, пасля чаго кіраўнік Міжнароднай федэрацыі футбола вырашыў адкласці размову з прэсай.
«Гэта за чэмпіянат свету 2026 у Паўночнай Карэі», — сказаў комік і паспрабаваў уручыць Блатэру пачак даляраў. Пасля гэтых слоў Блатэр паклікаў ахову, і Бродкін шпурнуў грашыма ў прэзідэнта ФІФА.
«Нам трэба прыбрацца тут спачатку. Інакш я не змагу гаварыць пра футбол, а гэта не мае нічога агульнага з футболам», — сказаў Блатэр у мікрафон і пакінуў залу. Праз 10 хвілін ён вярнуўся, і прэс-канферэнцыя пачалася.
Як паведамлялася, выканкам ФІФА прызначыў датэрміновыя выбары прэзідэнта на 26 лютага 2016 года.
Пераабраны ў маі на свой пяты тэрмін Блатэр заявіў пра намер сысці ў адстаўку 2 чэрвеня на фоне карупцыйнага скандалу. Швейцарац кіраваў федэрацыяй з 1998 года.
«Тэлефануйце дзецям, прасіце вярнуцца ў Беларусь». Беларусы на мяжы сутыкнуліся з новай праверкай26
Каментары