Кіраўнік Мінэканамразвіцця РФ Аляксей Улюкаеў мяркуе, што расійская эканоміка намацала «дно», і вынікі чацвёртага квартала будуць прыкметна лепшыя за трэці. Пакуль жа спад ВУП у ліпені ў гадавым вымярэнні паскорыўся да 4,6% з чэрвеньскіх 4,2%, а сезонна вычышчаная месячная дынаміка блізкая да нуля, сказаў міністр.
«Так, ёсць», — заявіў ён журналістам, адказваючы на пытанне, ці ёсць адчуванне, што расійская эканоміка намацала дно.
«Калі вычышчаная ад сезоннасці месяц да месяца ў нас каля нуля, але ў чэрвені было каля нуля - мінус 0,1, а ў ліпені - каля нуля плюс 0,1. Гэта ўсё вельмі далікатна, але відаць, што мы дзесьці на дне ляжым, ці як назваць гэты рух «, - сказаў міністр. Пры гэтым паскарэнне спаду эканомікі ў гадавым вымярэньні ў ліпені Улюкаеў звязаў з высокай базай ліпеня мінулага года.
«Я мяркую, што ўжо дакладна ўніз не пойдзем, а ці будзем выходзіць заўважна — гэта складана. Мы лічым, што будзем, што чацвёрты квартал шмат у чым, вядома зыходзячы з эфекту базы (нізкай базы чацвёртага квартала мінулага года), будзе нават статыстычна прыкметна лепшы, чым трэці», — дадаў ён.
Па выніках першага паўгоддзя спад ВУП Расіі склаў 3,4%, пры гэтым у другім квартале зніжэнне паскорылася да 4,6% з 2,2% у першым.
Арыштаваны 75‑гадовы Зміцер Санько — ветэран-выдавец3
Каментары