Акцэнт робіцца на рэалізацыю недарагіх аўтамабіляў коштам 5—10 тыс. даляраў.
Як паведаміў на прэс‑канферэнцыі дырэктар кампаніі «Аўтабай» Яўген Лахманаў, мінскі салон стаў першым у сетцы аўтамабільных салонаў Беларусі, які аб’яднаны пад брэндам «4 колы» і закліканы сфарміраваць у краіне прафесійны падыход да працы з патрыманымі аўтамабілямі.
Галоўнай перавагай аўтасалона яго кіраўнікі называюць цывілізаваны падыход да рэалізацыі аўтамабіляў з прабегам. Перад продажам кожны патрыманы аўтамабіль праходзіць поўную дыягностыку і падрыхтоўку. Таксама ў салоне гарантуюць, што аўтамабіль не ўкрадзены і не адноўлены.
Як зазначыў дырэктар салона «4 колы» Аляксандр Рабушка, у Беларусі сфарміравалася ўстойлівая традыцыя купляць усё на рынку — ад прадуктаў да аўтамабіляў. «Канешне, гэта ў многім было апраўдана ва ўмовах пераходнага перыяду. Аднак цяпер, калі паляпшаецца жыццёвы ўзровень і расце дабрабыт, пачынае фарміравацца новая культура спажывання, заснаваная на больш высокім узроўні паслуг і сэрвісу. Задача нашага салона перадусім у тым, каб закласці аснову новай, больш дасканалай культуры аўтааматарства, падняць яе на еўрапейскі ўзровень», — падкрэсліў А.Рабушка.
Паводле слоў дырэктара аўтасалона, кампанія сфарміравала сваю праграмму лаяльнасці, якая ўключае шэраг ільготаў для пакупнікоў. У прыватнасці, партнёры аўтасалона будуць даваць кліентам скідкі на тэхабслугоўванне аўтамабіляў, аказваць дапамогу ў дарозе. Аўтасалон прапануе гарантыі на рэалізаваныя машыны на працягу трох месяцаў незалежна ад прабегу. Апрача таго, ён прапануе спецыяльную крэдытную праграму, па якой можна плаціць працэнты толькі за карыстанне аўтамабілем, асноўны ж доўг — выплаціць праз тры гады, прадаўшы аўтамабіль, або перааформіць крэдыт яшчэ на пяць гадоў.
Цяпер у аўтасалоне прадстаўлена каля 100 патрыманых аўтамабіляў. Акцэнт робіцца на рэалізацыю недарагіх аўтамабіляў коштам 5—10 тыс. долараў. У той жа час будуць прадавацца і аўтамабілі прэміум‑сегмента, у асноўным у крэдыт або па сістэме trade‑in (абмен свайго аўтамабіля на новы). Аўтасалон прапануе пакупнікам найбольш папулярныя на рынку мадэлі, а таксама будзе пастаўляць машыны для кліентаў пад заказ.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае23
Каментары