Урад Расіі: Вайскова-паветраная база ў Беларусі «доўгатэрмінова замацуе расійскую вайсковую прысутнасць у рэгіёне»
Урад Расіі на пасяджэнні ў сераду абмяркуе прапанову прэзідэнту Расіі Уладзіміру Пуціну падпісаць Пагадненне паміж Расіяй і Беларуссю аб расійскай авіяцыйнай базе на беларускай тэрыторыі.
Пра гэта паведамляе РІАН са спасылкай на прэс-службу Кабміна Расіі.
«Падпісанне пагаднення будзе садзейнічаць арганізацыі сумеснай аховы знешняй мяжы саюзнай дзяржавы ў паветранай прасторы і стварэнні Адзінай рэгіянальнай сістэмы супрацьпаветранай абароны Расійскай Федэрацыі і Рэспублікі Беларусь», — гаворыцца ў паведамленні.
Адзначаецца, што пагадненне таксама «доўгатэрмінова замацуе расійскую вайсковую прысутнасць у рэгіёне».
Супраць стварэння базы катэгарычна выступае беларуская апазіцыя. Дагэтуль на тэрыторыі Беларусі знаходзіліся толькі асобныя расійскія вайсковыя аб'екты, базы не было.
Нагадаем, што расійская вайсковая прысутнасць у Севастопалі зрабіла магчымым захоп і анексію Крыма ў 2014. База ў Баранавічах ці Бабруйску, між тым, азначае кантроль над усёй паветранай прасторай Беларусі, з Мінскам уключна.
Раней міністр абароны Расіі называў планаванай датай стварэння базы ў Беларусі 2015 год.
Чытайце яшчэ: Жонка расійскага вайскоўца распытвае ў інтэрнэце пра Баранавічы: «Там будзе стаяць наш полк»
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары